13-14 сентября в с. Черкех Таттинского улуса прошли II республиканские “Ойунские чтения”
« НазадБастакы күн «Мин тохтор тойугум чугдаарыа» диэн аатынан түһүлгэлэринэн үлэ ыытылынна. Онно оҥоһук, уруһуй быыстапката, драматическай туруоруу, олоҥхону толоруу, чинчийэр үлэ, аман өс, уус-уран ааҕыы, өйтөн уонна айар үлэ курдук көрүҥнэр киирдилэр. Эксперинэн СӨ национальнай оскуолаларын чинчийэр институт сотрудниктара, М.К. Аммосов аатынан ХИФУ преподавателлэрэ, улуустар учууталлара үлэлээтилэр.
Киэһэ театр дьиэтигэр Ааҕыылары аһыы сиэрэ-туома ыытылынна. Манна кыттыыны Саха Өрөспүүбүлүкэтин бырабыыталыстыбатын бэрэссэдээтэлин солбуйааччы Ф.В. Габышева, үөрэх миниистирэ С.С. Татаринова ыллылар. Ол кэннэ «Туйаарыма Куо» куонкурус буолла.
Иккис күн «Мин аатым ааттаныа» диэн аатынан түһүлгэлэр үлэлэрин түмүктэрин таһаарыы, «Ойуунускай ааҕыыларын» сабыы буолла. Эбиэттэн киэһэ «Дорообо, алааһым!» бырагырааманан П.А. Ойуунускай музей-уһаайбатыгар экскурсияҕа сылдьыы тэрилиннэ. Чөркөөх орто оскуолатын үөрэнээччилэрэ экскурсовод быһыытынан сылдьан, кэлбит ыалдьыттарга араас омук тылынан кэрэхсэбиллээхтик сэһэргээтилэр.
Бу кэрэхсэбиллээх тэрээһин билиҥҥи үөрэхтээһин тиһигэ этнокультурнай үөрэҕи олохтооһуҥҥа туһаайылларын кэрэһэлээтэ. Бүгүн элбэх омук култуурата алтыһар үйэтигэр хас биирдии норуот бэйэтин уратытын, тылын харыстааһына, үйэтитиитэ кини аан дойдуга киһи аймах быстыспат сорҕото буолар сүрүн усулуобуйата.
Комментарии
Комментариев пока нет
Пожалуйста, авторизуйтесь, чтобы оставить комментарий.