\ «E-NetSchool» - оҕоҕо аналлаах үөрэх порталын иһинэн үлэлиир «Olimpe-NetSchool»– онлайн-олимпиада ыытыллар сайта сүрэхтэннэ!

«E-NetSchool» - оҕоҕо аналлаах үөрэх порталын иһинэн үлэлиир «Olimpe-NetSchool»– онлайн-олимпиада ыытыллар сайта сүрэхтэннэ!

« Назад

20.02.2015 01:25

2015 сыл олунньу 19 күнүгэр, Саха Өрөспүүбүлүкэтин Национальнай оскуолаларын чинчийэр научнай институт «Саха уонна аҕыйах ахсааннаах омуктар тыллара интернет ситимигэр» диэн форуму тэрийэн ыытта. Манна учуонайдар, методистар, учууталлар, СМИ үлэһиттэрэ уопсайа 50-н тахса киһи кыттыыны ылла. http://nvk-online.ru/news/read/4901

Форум маҥнайгы түһүмэҕэр институт эдэр научнай үлэһиттэрэ «E-NetSchool» портал иһинэн үлэлиэхтээх «Оlimpe-NetSchool» диэн онлайн-олимпиадалар ыытыллыахтаах сайтарын билиһиннэрдилэр. Бу бырайыак 2012 сыллаахха маҥнайгы «Саха-Селигер» эдэр ыччат форумугар биһирэбили ылан олоххо киирэригэр өйөбүлү ылбыта.

2

Билиҥҥи туругунан «Оlimpe-NetSchool» сайт саха, нуучча ону сэргэ эбээн, эбэҥки, долгаан, юкагир, чукча тылларынан олимпиаданы ыытар кыахтаах. Онон манна ыытыллар араас таһымнаах олимпиадаларга, өрөспүүбүлүкэ эрэ буолбакка, Россия регионнарыгар олорор аҕыйах ахсааннаах омук үөрэнээччилэрэ эмиэ кыттыыны ылыахтара.

Кэлбит ыалдьыттар бу сонун бырайыагы сэргии иһиттилэр уонна ханнык баҕарар олимпиаданы сайт көмөтүнэн ыытар баҕа санааларын эттилэр, авторскай бөлөххө сүбэ-ама биэрдилэр.

1

Эбии «E-NetSchool» портал «Этнопедия», дистанционнай үөрэхтээһин, форум хайысхаларын сайыннаран үлэҕэ киллэрэрэ күүтүллэр.

Форум иккис түһүмэҕэ төгүрүк остуол быһыытынан барда. Кэлиҥҥи кэмҥэ дойду үрдүнэн үөрэх эйгэтин сайыннарыы күүскэ бара турар, манна туһаайан саҥа бырайыактар тула санаа үллэстиитэ буолла. Учууталлар, научнай үлэһиттэр оҥоро сылдьар бырайыактарын билиһиннэрдилэр, бииргэ кыттыһан үлэлииргэ санааларын биллэрдилэр. http://nvk-online.ru/news/read/4901   


Комментарии


Комментариев пока нет

Пожалуйста, авторизуйтесь, чтобы оставить комментарий.

Авторизация
Введите Ваш логин или e-mail:

Пароль :
запомнить