КҮНДҮ иитээччилэр, учууталлар, тѳрѳпүттэр! Ахсынньы 25 күнүгэр дылы саҥа сурунаалларга суруттарыҥ!

06.11.2013 17:00

КҮНДҮ ААҔААЧЧЫЛАР! 2006 сылтан Саха Ѳрѳспүүбүлүкэтин национальнай оскуолаларын чинчийэр институт «Чѳмчүүк саас», «Бастакы Үктэл», Тѳрѳѳбүт тыл уонна литература», «Русский зык и литература в национальной школе» диэн саха оскуолатыгар аналлаах 5 научнай-методическай сурунаалы таһараан кэллэ.

 

2014 сылтан бу сурунааллар кээмэйдэрэ улаатан, тас кѳстүүлэрэ тупсарыллан, ис хоһоонноро саҥалыы таҥыллан икки сурунаалынан тахсар буолуохтара.

• САЙДАМ СААС (индекс 78392)
• САЙДЫЫ КЫҺАТА (индекс 78583)

КҮНДҮ иитээччилэр, учууталлар, тѳрѳпүттэр! Эһиэхэ анаммыт сурунаал айымньылаах үлэҕит аргыһа буолуо, педагогика, психология, үѳрэх методикатын ситиһиилэрин билиһиннэриэ, үлэҕит уопутун тарҕатыа, биир идэлээхтэргитин кытта анаа атастаһаргытыгар саҥа аартыгы арыйыа диэн эрэнэбит.

«Сайдам саас» - уонугар диэри саастаах оҕону сайыннарар (иитэр-үѳрэтэр) иитээччигэ, учууталга, тѳрѳппүккэ аналлаах сурунаал.

Сайдам саас - оҕо бу сааһыгар ордук тэһиттэҕэс, тобуллаҕас ѳйдѳѳх, болҕомтолоох, сайаҕас, элэккэй майгылаах кэмэ.

«Сайдам саас» сурунаалга оскуола иннинээҕи саастах оҕо тэрилтэтигэр, алын сүһүѳх оскуолаҕа аналлаах матырыйааллар бэчээттэниэхтэрэ.

Сайдыы – үѳскээн, улам салгыы үүнэн, тупсан иһии.

Кыһа – наадалааҕы, суолталааҕы бэлэмниир, оҥорон таһаарар.

«Сайдыы кыһата» орто уонна улахан кылаас үѳрэнээччилэрин сайыннарар (иитэр-үүрэтэр) учууталга, тѳрѳппүккэ арахсыспат аргыс, үтүѳ сүбэһит буолуо.