\ Олунньу 8 күнүгэр Национальнай оскуолалары чинчийэр научнай институт Төрөөбүт тыл уонна сурук-бичик декадатын чэрчитинэн «Саха оскуолатыгар үөрэх хаачыстыбата уонна үөрэтии тыла» диэн сэминээри тэрийэн ыытта.

Олунньу 8 күнүгэр Национальнай оскуолалары чинчийэр научнай институт Төрөөбүт тыл уонна сурук-бичик декадатын чэрчитинэн «Саха оскуолатыгар үөрэх хаачыстыбата уонна үөрэтии тыла» диэн сэминээри тэрийэн ыытта.

« Назад

21.02.2017 02:01

Саха оскуолатыгар үөрэх хаачыстыбата уонна үөрэтии тыла

         Олунньу 8 күнүгэр Национальнай оскуолалары чинчийэр научнай институт Төрөөбүт тыл уонна сурук-бичик декадатын чэрчитинэн «Саха оскуолатыгар үөрэх хаачыстыбата уонна үөрэтии тыла» диэн сэминээри тэрийэн ыытта. Бу сэминээр үс түһүмэҕинэн үлэлээтэ.

Бастакы түһүмэх. Саха начаалынай оскуолат

 IMG-20170221-WA0003  IMG-20170221-WA0002Бу түһүмэххэ начаалынай кылаас учууталлара, саха тылын уонна литературатын учууталлара, методистар, салайааччылар кыттыыны ыллылар.        Сэминээр кыттыылаахтарыгар анаан, Институт үлэһиттэрэ иһитиннэрии оҥордулар, саҥа тахсыбыт «Саха начаалынай оскуолатыгар үөрэх бырагырааматын оҥоруу уратыта» диэн методическай босуобуйа туһунан кэпсээтилэр. Үөрэх былаанын оҥоруу уратытын туһунан  Васильева Н.Н. сырдатта. Үөрэх биридимиэттэрин үөрэтии түмүк ирдэбиллэрин туһунан – саха тылыгар Васильева Н.Н., литература ааҕыытыгар Флегонтова У.М., Саха Өрөспүүбүлүкэтин норуоттарын култууратыгар Винокурова Е.И. кэпсээтилэр.

         Сэминээр истээччилэрэ икки тыллаах үөрэх тиһигэр төрөөбүт тыл эйгэтин тэрийии, оҕону  төрөөбүт тылынан уус-уран айымньыны ааҕарга угуйуу,  төрөөбүт тылынан ситимнээх саҥаны сайыннарыы  улахан суолталааҕын бэлиэтээн санаа атастастылар.        

 

 

 

Иккис түһүмэх. Математиканы икки тылынан үөрэтии соруктара

Словарь фото (1)Словарь фото (3)Иккис түһүмэҕинэн математика учууталларыгар, устудьуоннарга, магистраннарга, саха оскуолатыгар үлэлии барар специалистары бэлэмниир преподавателлэргэ анаан математиканы икки тылынан (сахалыы, нууччалыы) үөрэтиигэ аналлаах сэминээри Национальнай оскуолалары чинчийэр научнай институт научнай үлэһиттэрэ Спиридонова Н.И., Саввинова Н.И. тэрийэн ыыттылар.

Сэминээр маҥнайгы чааһыгар Саха Өрөспүүбүлүкэтин үөрэҕин систиэмэтигэр математиканы үөрэтии мадьыалларын уонна үөрэтии тылын билиҥҥи туругун туһунан иһитиннэриини кыттааччылар сэргээн, туһааннаах ыйытыылары биэрэн баар харгыстары туоратар үлэни хайдах ыытар туһунан санаа атастастылар.

Научнай үлэһиттэр бу хайысхаҕа идэлээхтэр общественнай түмсүү үлэлиирин билиһиннэрдилэр. Салгыы бу түмсүүгэ өрүү кыттар, математиканы сахалыы үөрэтиигэ интэриэстээх, саха оҕото төрөөбүт тылынан үөрэнэрин туһугар кыһаллар  учууталлар уонна преподавателлэр бэйэлэрин санааларын эттилэр, үлэлэрин билиһиннэрдилэр.

Ол кэннэ идэлээхтэр общественнай түмсүү иһигэр үгүстүк ырытыллан тахсыбыт «Математика тиэрминнэрин тылдьыта. 5-9 кылаас»* үөрэх босуобуйатын презентацията ыытылынна. Тылдьыт оҕо сааһын учуоттаан, хас биирдии тиэрмиҥҥэ ойуунан ситэриллэн, икки тылынан тахсыбыт буолан дьон болҕомтотун тарта, эбии туттарга табыгастаах буоларын курдук электроннай барыйаана эмиэ баар буолуохтааҕын ыйдылар.

   

Сэминээр практическай чааһыгар кыттааччылар анкетаҕа эппиэттээн, Национальнай оскуолалары чинчийэр институт оҥорон таһаарбыт үөрэх босуобуйаларын, кинигэлэри, бырагыраамалары көрөн-истэн, билиилэрин хаҥатан тарҕастылар. 

 

*СӨ Үөрэҕин уонна наукатын министиэристибэтин нөҥүө үөрэх тэрилтэлэригэр сакаастаан ылыахха сөп, көҥүл атыыга суох.

 

 

Үһүс түһүмэх. Икки тыллаах үөрэх эйгэтигэр саха уонна нуучча тылынан лингвистическэй өйдөбүллэри олохсутуу


Комментарии


Комментариев пока нет

Пожалуйста, авторизуйтесь, чтобы оставить комментарий.

Авторизация
Введите Ваш логин или e-mail:

Пароль :
запомнить