\ Математиканы үѳрэтиигэ аналлаах икки тыллаах термин тылдьыта уонна сахалыы босуобуйалар тула кэпсэтии

Математиканы үѳрэтиигэ аналлаах икки тыллаах термин тылдьыта уонна сахалыы босуобуйалар тула кэпсэтии

« Назад

23.10.2013 20:07

Алтынньы 24 күнүгэр, СӨ Национальнай оскуолаларын чинчийэр научнай институт көҕүлээһининэн икки тылынан үөрэхтээһин хайдах хайысхалаах баран иһэрин уонна бу эйгэҕэ туох саҥа арыйыы, уларыйыы баарын ырытыһа, математика учуобунньугун оҥоруу авторскай бөлөҕө уонна М.К. Аммосов аатынан Хотугулуу-Илиҥҥи федеральнай университет преподавателлэрэ кэлэн мунньахха кыттыыны ыллылар. Сүрүн боппуруоһунан СӨ Национальнай оскуолаларын чинчийэр научнай институт научнай үлэһиттэрэ (Н.И. Ченянова, А.Д. Саввинова) оҥорбут быһаарыылаах, ойуулаах, 5-6 кылаас үөрэнээччилэригэр аналлаах “Икки тыллаах математика тылдьытын” («Билингвальный математический словарь») уонна алын кылаас, математика учууталлара сахалыы оҥорор математика босуобуйаларын ырытыһыы буолла.

SAM_2474.JPG

Тылдьыты оҥорууга мөккүөрдээх тиэрминнэргэ учууталлар, преподаватэллэр анкета толорон бэйэлэрин санааларын үллэһиннилэр. Көдьүүстээх, билиҥҥи үөрэх систиэмэтигэр олус туһалаах үлэ тахсан эрэрин тоһоҕолоон туран тылдьыты салгыы ырытыыга, оскуолаларга апробацияны ыытарга бэлэмнэрин эттилэр.

 

 

SAM_2477.JPG

 

 

Мустубут педагогтар тылдьыт үлэтэ түмүктэннэҕинэ, саҥа тахсан эрэр математика босуобуйаларын салгыы оҥоруу тэтимэ түргэтиэхтээҕин бэлиэтээтилэр. Манна экспертэр, рецензеннэр көрүүлэрэ наадалаҕын ыйдылар.

 

SAM_2466.JPG

 

 

Мунньах түмүгэр салгыы үөрэх эйгэтигэр маннык общественнай бөлөхтөр тэриллэн үлэлииллэрэ көдьүүстээх уонна туһалаах буоларын бэлиэтээн, хас ый аайы көрсөн, үлэ түмүктээх буоларын ситиһэргэ быһаарыннылар.

А.Д. Саввинова,
СӨ Национальнай оскуолаларын чинчийэр научнай институт научнай үлэһитэ

Комментарии


Комментариев пока нет

Пожалуйста, авторизуйтесь, чтобы оставить комментарий.

Авторизация
Введите Ваш логин или e-mail:

Пароль :
запомнить