\ Сунтаар улууһугар саха тылын, литературатын, култууратын учууталларын өрөспүүбүлүкэтээҕи бастакы сийиэһин кэнниттэн тэрээһиннэр.

Жизнь человека не вечна, но наука и знания переступают пороги столетий

 

И. Курчатов

Сунтаар улууһугар саха тылын, литературатын, култууратын учууталларын өрөспүүбүлүкэтээҕи бастакы сийиэһин кэнниттэн тэрээһиннэр.

« Назад

26.04.2017 11:59

Муус устар 4 – 5 куннэригэр Дьокуускай куоракка I өрөспүүбүлүкэ таһымнаах саха тылын, литературатын уонна култууратын учууталларын сийиэстэрэ буолан ааспыта. Бу күүтүүлээх тэрээһиҥҥэ улууспутуттан талыллан барбыт делегация көхтөөхтүк бары секцияларга кыттан, элбэх санаа, инники үлэҕэ барыл толкуйдаан, саҥа тыын ылан кэллилэр. Ол курдук  34 оҕо саадын, 34 оскуола үлэһиттэрин, улуус нэһилиэнньэтин барыларын хабар соругу туруоран, суол да хаалан эрэринэн, үөрэх салалтатын информация-методика салаата 3 түөлбэнэн «Төрөөбүт төрүт тылым – төлө туппат баайым» диэн методическэй десант киэбинэн сийиэс үлэтин олоххо киллэрэргэ күргүөмүнэн үлэлэстэ.

Сыала-соруга:  - педагогтарга,бары сахалыы тыллаах дьоҥҥо өрөспүүбүлүкэҕэ бастакы сахабыт тылын сийиэһин үлэтин,быһаарыыларын, суолтатын  билиһиннэрии; 

- төрөөбүт тылбыт сайдарын туһугар улууспутугар, өрөспүүбүлүкэҕэ сомоҕолоһон үлэлээһин инники тосхоллорун торумнааһын;

 - улуус  таһымыгар концепция, тосхол оҥорон, оҕо саадыттан, алын кылаастартан саҕалаан,  тылбыт баайа хаҥыырыгар, төрөөбүт тылбытын сүтэрбэккэ, дьадьаппакка, сыыһа туттубакка, атын тылы кытта буккуйбакка, сөпкө туттууга үлэни утумнаахтык ыытыы;

- өбүгэлэрбититтэн хаалбыт фольклор айымньыларыгар тирэнэн, уус тыллаах, сытыы өйдөөх саҥа көлүөнэни иитэн-үөрэтэн таһаарыы;  маннык үлэни түмүктээхтик ыытарга араас көлүөнэ, эйгэ, араҥа  дьонун-сэргэтин түмэ тардыы, төрөппүт  уонна эдэр ыччат өйү-санаатын  уһугуннарыы.

Муус устар 18 күнүгэр Кутанаҕа Элгээйи нэһилиэктэрин, 20-скэ – Тойбохой түөлбэлэрин хабан методическай десант ыытылынна. Улуустан  талыллан барбыт дэлэгээттэр аһаҕас уруоктары, дьарыктаныылары, маастар-кылаастары көрдөрөн,  сийиэскэ этиллибит санаалары, идеялары  билиһиннэрэн, бэйэлэрин көрүүлэрин кэпсээн, дьону олус сэргэхситтилэр, 5 – 6 бөлөҕүнэн мустан, бэйэлэрин көрүүлэрин олоххо киллэрэр курдук бырайыактары оҥорон көмүскээтилэр. Маны сэргэ биир сонун тэрээһиммит – тыа оскуолаларыгар бастыҥ учууталлары илдьэ тахсан, БКЭ туттарыахтаах оҕолорго консультация ыытыллыбытын бары биһирээтилэр. Атын оскуола уопуттаах, элбэх ситиһиилээх учуутала кэлэн араас  ыйытыыларга хоруйдаан, бэйэтин ньыматынан кылгас да кэмҥэ быһаарыыта туох эмит саҥа кыымы саҕыан сөп курдук. Оскуоланы бүтэрээччилэр даҕаны БКЭ туттарарга бэйэлэрин  оскуолаларыттан атын эйгэҕэ, тэрийээччилэргэ тиийэн, атыҥыраабакка үлэлиир турукка киирэ охсор үөрүйэхтэниэхтэрин наада.    

Бу ый 25 күнүгэр аны улуус киинин уонна чугаһынааҕы нэһилиэктэртэн оскуола иннинээҕи саастаах оҕолор тэрилтэлэрин, үөрэх кыһаларын педагогтара, общественность, төрөппүттэр, эбии үөрэхтээһин үлэһиттэрэ, үөрэх  тэрилтэлэрин салайааччылара түмсэн, санаа үллэһиннилэр, араас  хайысхалаах бырайыактарын көмүскээтилэр.  

Тэрээһиннэр өрө көтөҕүллүүлээхтик, биир тыынынан бардылар, түмүгэр киэҥ оһуохай түһүлгэлэрэ дьону биир санааҕа түмтүлэр.

 

Т.Т. Жиркова, Сунтаар улууhун

үөрэҕин салалтатын

информация-методика салаатын үлэһитэ

Саха тылын учууталларын бjлjхтjрjDSCN7328

Салайааччылар бjлjхтjрjDSCN7326А.М.КириллинDSCN7320

Алын кылаас учууталларын бjлjdjDSCN7334


Комментарии


Комментариев пока нет

Добавить комментарий *Имя:


*E-mail:


*Комментарий: