\ “Төрөөбүт тылынан иитии: дьиэ кэргэн уонна оҕо тэрилтэтэ” диэн төгүрүк остуол туһунан

“Төрөөбүт тылынан иитии: дьиэ кэргэн уонна оҕо тэрилтэтэ” диэн төгүрүк остуол туһунан

« Назад

15.02.2017 03:06

Олунньу 7 күнүгэр Төрөөбүт тыл уонна сурук-бичик декадатын чэрчитинэн Национальнай оскуолалары чинчийэр научнай институкка «Төрөөбүт тылынан иитии: дьиэ кэргэн уонна оҕо тэрилтэтэ» диэн оҕо саадын иитээччилэригэр, оскуола учууталларыгар  аналлаах төгүрүк остуол буолан ааста, ону таһынан «Төрөөбүт тылынан оҕону иитии» кинигэ быыстапката тэрилиннэ.

         Тэрээһиҥҥэ Таатта, Мэҥэ Хаҥалас, Чурапчы, Уус Алдан, Хаҥалас, Нам, Өлөөн улуустарыттан уонна Дьокуускай куораттан барыта 66 киһи - учуонайдар, иитээччилэр, учууталлар, төрөппүттэр кытыннылар.

         Е.П.Чехордуна «Олоҥхо педагогикатын систиэмэтэ: СЭДИП технология», Д.Г.Ефимова «Төрөөбүт тылынан иитии суолтата», Таатта улууһун «Арылы кустук» ситим «Билиҥҥи кэмҥэ оҕо саадыгар төрөөбүт тылынан иитии» диэн иһитиннэриилэрин тула маннык хайысхаларга кэпсэтии, санаа атастаһыыта буолла:

  • Оскуола иннинээҕи саастаах оҕолору уонна кыра кылаас үөрэнээччилэрин олоҥхонон иитии-сайыннарыы.
  • Оҕо саҥатын сайыннарыыга төрөппүт бэйэтэ төрөөбүт тылынан саҥарар-кэпсэтэр таһымын суолтата.
  • Нууччалыы иитэр куорат саадыгар төрөөбүт тылынан иитии ситимин киэҥник киллэрии.
  • Төрөппүтү кытта үлэни күүһүрдүү, дьиэ кэргэн уопутун тарҕатыы.
  • Сахалыы тылынан куурустары, семинардары тиһигин быспакка ситимнээхтик ыытыы.

Төгүрүк остуол түмүгэр төрөөбүт тылынан оҕону иитиигэ маннык сүрүн соруктары ыйдылар:

  1. Олоҥхо педагогикатын СЭДИП технологиятын  салгыы олоххо киллэрэргэ былааннаах үлэни ыытыы.
  2. Төрөөбүт тылынан иитиигэ ыалга төрөппүтү кытта үлэҕэ билиҥҥи кэмҥэ сөп түбэһэр көрүүлэри, ньымалары (СЭДИП технология, Айыыһыт үөрэҕэ) уонна тэрээһиннэри олохтооһун (ситим) о.д.а.

общаяЧЕПЕДГ

 

 

 


Комментарии


Комментариев пока нет

Пожалуйста, авторизуйтесь, чтобы оставить комментарий.

Авторизация
Введите Ваш логин или e-mail:

Пароль :
запомнить